Антон Сурапін у «амэрыканцы»

Учора ўвечары маці Антона Сурапіна патэлефанаваў сьледчы, які паведаміў, што фатограф затрыманы на 72 гадзіны да высвятленьня датычнасьці да дэсанту плюшавых мядзьведзікаў са швэдзкага самалёта. Цяпер журналіст знаходзіцца ў сьледчым ізалятары КДБ, вядомым як "амэрыканка".

Нагадаем, учора да Антона Сурапіна зь ператрусам прыйшлі супрацоўнікі КДБ. Супрацоўнікі спэцслужбаў высьвятлялі, адкуль у журналіста - стваральніка й рэдактара сайта „Беларускія навіны Фота” - фатаздымкі швэдзкіх плюшавых мядзьведзікаў.

4 ліпеня на сайце bnp.by зьявіліся эксклюзыўныя здымкі "мядзьвежага дэсанта». Рэдактар ​​тады напісаў, што яму даслаў фатаздымкі ананім.

кр/charter97.org